Nairobi-(ARABSIYOWEB)- Midowga Yurub ayaa UNICEF ku

taageerey €2.5 milyan oo maaliyad bani’aadamnimo ah si ay ugu bixiso

waxqabadyadyo nafaha lagu badbaadiyo oo dhinaca nafaqeynta iyo biyaha,

fayadhowrka iyo nadaafadda ah (WASH) oo la gaarsiiyo carruurta Soomaaliyeed.

Nafaqo-xumo ayaa weli halis ku haysa nolosha kumanaan carruur ah oo ku nool guud

ahaan Soomaaliya waxaana xaaladda uga sii darey adkaanshaha sida gargaarka

bani’aadamnimada loo gaarsiinayo gobollada koonfurta iyo bartamaha dalka. Sida ay

tilmaamayaan daraasadihii ugu dambeeyey ee nafaqada, waqti kasta waxaa jira

38,000 oo carruur nafaqo-xumo ba’ni ay hayso ah oo u baahan gargaar baxnaanin oo

naftooda lagu badbaadiyo, iyada oo la rajaynayo in 150,000 xaaladood la arko

sanadkan gudihiisa. Magaalada Buulo Burte ee bartamaha gobolka Hiiraan, shantii

carruur ahba mid ayaa ay haysaa nafaqo-xumo aad u ba’an. Ilmaha ay hayso nafaqo-

xumada ba’an ayaa sagaal jeer dhimasho uga dhow ilmaha caafimaadka qaba.

Lacagtan ayaa la soo marinayaa Guddiga Gargaarka bani’aadamnimada iyo

Waaxda Ilaalinta Madaniga ee Midowga Yurub / the European Commission’s

Humanitarian Aid and Civil Protection department (ECHO).

“Carruurta Soomaaliya ayaa ay dhibaatada ugu weyn ka soo gaareysaa xaaladda

degdegga ah ee adag,” ayaa uu yiri Lars Oberhaus, oo ah madaxa xafiiska ECHO ee

Soomaaliya. “Waxaa nalooga baahan yahay in carruurta ay naftoodu halista ku jirto

aan waqtigii loo baahnaa la gaarno daaweyn, in aan hubinno in aaney ku dhicin

cudurrada loo dhinto ee ay sababaan biyaha aan nadiifta ahayn iyo in qoysaska ugu

nugul ay awoodaan in ay daboolaan baahida aasaasiga ah ee carruurtooda.”

Maaliyadda uu bixinayo Midowga Yurub waxaa ay UNICEF ka caawin doontaa in ay

gaarto carruurta la silcaysa nafaqo-xumada ba’an iyada oo siineysa cuntada

daaweynta ee u diyaarsan in horey laga cuno / ready-to-use therapeutic food (RUTF),

taas oo ah mid ka sameysan loos lagu darey fitamiino iyo macaadin. Gargaarka

waxaa la soo marin doonaa Xarumaha Barnaamijka Daaweynta Bukan-

socodka/Outpatient Therapeutic Programme (OTP) halkaas oo ay ku heli doonaan

baaritaanno caafimaad iyo tallaalo. Carruurta nafaqo-xumada ba’ani ay hayso oo ayna

u weheliyaan dhibaatooyin caafimaad – sida fuuq-bax ba’an iyo matag – ayaa la

seexinayaa xarumaha baxnaaninta, halkaas oo ay ku heli doonaan daaweyn bukaan-

jiif oo takhasusi ah iyo daryeel daaweyn oo lagu siinayo caano wax lagu daaweeyo.

Waqtigaan la joogo, UNICEF waxaa ay taageereysaa ilaa 239 xarumaha OTP ah iyo

toban iyo afar xarumaha Baxnaaninta ah oo ku yaalla guud ahaan Soomaaliya.

“Maaliyaddan aan helney ayaa ah mid aad muhiim u ah oo innaga caawinaysa

badbaadinta nafaha,” ayaa uu yiri Steven Lauwerier, oo ah Wakiilka UNICEF ee

Soomaaliya. “In kasta oo dhinacyo badan ay wax ka hagaageen, haddana halista

ah in carruurtu ay u dhintaan nafaqo-xumo ayaa weli ah mid aad u sarreysa

qaybo badan oo Soomaaliya ka mid ah. Maaliyaddan ma ahan oo keliya mid

naga caawinaysa wax ka qabashada baahiyaha ugu degdegsan, laakiin waxaa ay

sidoo kale gacan ka geysanysaa hawsha UNICEF iyo tan la-hawlgalayasheenna

ee aan ku dhiseyno adkeysiga qoysaska iyo bulshooyinka ugu nugul.”

Waxqabadka UNICEF ee Biyaha, Fayadhowrka iyo Nadaafadda (WASH) ee dadka

xaaladda degdegga ah iyo colaaddu saameysey, gaar ahaan kuwa ku nool xerooyinka

dadka gudaha ku barokacay ee Bartamaha iyo Koonfurta Soomaaliya, ayaa sidoo kale

ku xoogeysan doona maaliyaddan la heley. Xirmooyin loogu talogaley nadaafadda oo

ka kooban jiirgaanno, baaldiyada biyaha, saabuun iyo kiniiniyada biyaha lagu nadiifiyo

ayaa la soo iibin doonaa oo laguna sii diyaarin doonaa xarumaha saadka ee gobollada

ee UNICEF – waana tiro ku filan wax ka qabashada baahida 17,000 qoys marka ay

xaalad degdeg ahi timaaddo.

Intaa waxaa dheer, maaliyadda waxaa sidoo kale wax ka heli doona barnaamijka

lacagaha caddaanka ee UNICEF ay bil walba ku siiso qoysaska nugul ee ay hoggaanka

u yihiin haween ama carruur ama ay ka mid yihiin agoomo ama xubno badan oo aan

shaqeyn. Ilaa 2,900 oo qoysaskaas oo kale ah ayaa heli doona lacago kale oo labadii

biloodba mar la bixiyo si gacan looga siiyo daboolidda baahidooda aasaasiga ah iyo si

ay u helaan adeegyada aasaasiga ah xilliga aanu roobku di’in ee ku xiga xilliyada

roobka ee ku beegan dhammaadka sanadka.

Ku saabsan UNICEF

UNICEF waxaa ay Soomaaliya ka shaqeyneysey tan iyo 1972dii markaas oo

xafiiskeedii ugu horreeyey laga furey Muqdisho. Maanta UNICEF waxaa ay dhowr

xafiis ku leedahay guud ahaan dalka, kuwaas oo ay ka mid yihiin kuwa ay ku

leedahay Muqdisho, Baydhabo, Gaalkacyo, Garoowe iyo Hargeysa. UNICEF oo ay

weheliyaan 100 NGO-yo caalami ah iyo kuwa degaanka iyo ururro bulshadu sal u

tahay ayaa bixinaysa adeegyo dhinacyada Caafimaadka, Nafaqada, Biyaha

Fayadhowrka iyo Nadaafadda, Waxbarashada iyo Ilaalinta Carruurta ah,

waxaana ay sidoo kale wax ka qabataa xaaladaha degdegga ah waxaana ay

taageertaa nabad-dhisidda iyo horumarka. Macluumaad dheeri ah oo ku saabsan

UNICEF iyo hawsha ay ka waddo Soomaaliya, ka eeg oo booqo

www.unicef.org/somalia iyo barta gaarka ah ee UNICEF-EU:

http://www.unicef.org/eu/

Ku saabsan EU Humanitarian Aid and Civil Protection

Midowga Yurub iyo Dalalka Xubnaha ka ah waa deeq-bixiyaha ugu weyn ee

bixiya gargaarka bani’aadamnimada dunida oo dhan. Gargaarka waa qaab

muujinaya sida ay Yurub ugu mideysan tahay wax u qabashada dadka baahan

ee guud ahaan dunida. Waxaa lagu higsanayaa in lagu badbaadiyo nafo, looga

hortago laguna yareeyo silica dadka, iyo in lagu dhowro sharafta dadka ay

saameeyeen aafooyinka dabiiciga ah iyo kuwa dad sameega ah. Guddiga Reer

Yurub waxaa uu hubinayaa in si degdeg ah oo taabogal ah dadka loo gaarsiiyo

gargaarka Midowga Yurub isaga oo sii marinaya labadiisa nooc ee gargaarka ee

ugu waaweyn: oo kala ah gargaarka bani’aadamnimada iyo ilaalinta madaniga.

Guddigu, isaga oo adeegsanaya waaxdiisa Gargaarka Bani’aadamnimada iyo

Ilaalinta Madaniga (ECHO), ayuu sanad kasta caawiyaa 120 milyan oo ah

dhibbanayaal colaado iyo aafooyin la soo gudboonaadeen. Si aad u hesho

macluumaad dheeri ah, fadlan booqo barta internet-ka ee ECHO.

Macluumaad dheeri ah, fadlan kala soo xiriir:

UNICEF Somalia: Susannah Price

+254 722 719867; sprice@unicef.org

UNICEF Brussels: Rebekka Opfermann

+32 2 513 2251; ropfermann@unicef.org

ECHO: Anouk Delafortrie – Sarkaalka Macluumaadka ee Gobolka

+254 20 297 2301(d) +254 722 791 604 (m); Anouk.Delafortrie@echofield.eu